Rauður himinn | Red skies

raud-sky-aslaugj

♦ Föstudagsmyndin: Rauðir skýjabólstrar. Ég veit að það þýðir ekki að vera með neina dramatík en samt finnst mér þungbúinn himinn vera það sem helst á við núna. Rauða Trumpliðið vann forsetakosningarnar í Bandaríkjunum og þar með er mikilvægasta pólitíska mál heimsins í uppnámi: lausnir og aðgerðir til mótvægis við loftslagsbreytingar af mannavöldum. Himnarnir gætu ráðið örlögum okkar, bókstaflega.

Og tvö góð skáld kvöddu í vikunni. Himnar hafa grátið yfir minna. Ingibjörg Haraldsdóttir og Leonard Cohen létust sama dag, 7. nóvember. Ljóðin hennar Ingu eru svo firnagóð, sígild og viðeigandi alla daga. Hún orti vissulega um dauðann og óvissuna og angistina, en ljóðið hennar um lífið er líka gott:

Lífið

Ég vil ekki yrkja um dauðann
nagandi vissuna
tómið og myrkrið
moldina vatnið og maðkana
nei ekki það ekki dauðann

Leyfðu mér heldur
að yrkja um lífið
í augum þínum

♦ Photo FridayRed sky, dark clouds. I know, there is no use in being angry or dramatic but I think I share worries with a lot of people after the US presidential elections this week. What worries me most is the dangerous twist the republicans might take on climate agreements. Time is a really big issue, and the skies won’t wait. It’s red alert already!

Two great poets died this week, on November 7. A great artist and a charming person: Icelandic poet and translator Ingibjörg Haraldsdóttir – and Leonard Cohen, poet, singer, songwriter. No wonder the heavens are crying.

Ljósmynd dags. | Photo date: 02.05.2004