Skrímsli á Barnamenningarhátíð: Á morgun, laugardaginn 5. apríl, opnar í Gallerí Fold lítil sýning með völdum myndum úr bókaflokknum um skrímslin. Myndirnar eru prentaðar í góðum gæðum á vandaðan pappír og eru til sölu í takmörkuðu upplagi, áritaðar af myndhöfundi. Bækurnar verða einnig til sölu í galleríinu. Í kynningu frá Gallerí Fold segir svo: 

„Laugardaginn 5. apríl opnar sýningin „Skrímsli í boði“ í Gallerí Fold við Rauðarárstíg. Þar sýnir Áslaug Jónsdóttir myndir sínar úr Skrímslabókunum vinsælu. Sýningin er hluti af Barnamenningarhátíð í Reykjavík sem stendur 8. – 13. apríl. Sýningin í Gallerí Fold stendur til 26. apríl.
Áslaug Jónsdóttir á langan og farsælan feril að baki sem einn af vinsælustu barnabókahöfundum þjóðarinnar. Bækur sem hún hefur skrifað eða myndlýst skipta tugum og hún hefur hlotið fyrir þær margskonar verðlaun eins og Íslensku bókmenntaverðlaunin, Barnabókaverðlaun Menntaráðs Reykjavíkur, Bókasalaverðlaunin og Dimmalimm – íslensku myndskreytiverðlaunin. Auk þess hefur hún hlotið fjölda tilnefninga, m.a. til Bókmenntaverðlauna Norðurlandaráðs, Norrænu barnabókaverðlaunanna, Bókmenntaverðlauna Reykjavíkurborgar og Fjöruverðlaunanna, svo eitthvað sé nefnt.
Í tilefni af Barnamenningarhátíð í Reykjavík hefur Áslaug, í samstarfi við Gallerí Fold, útbúið prent af vel völdum myndum úr Skrímslabókunum vinsælu um litla skrímslið, stóra skrímslið og loðna skrímslið. Í bókunum takast skrímslin þrjú á við lífið á einstaklega fallegan hátt, það skiptast á skin og skúrir eins og hjá okkur öllum en sigrarnir eru eftirminnilegir – oft stórkostlegir, og lærdómurinn sem lesandinn getur tekið með sér mikill. Fyrsta bókin Nei! sagði litla skrímslið kom út árið 2004 og sú nýjasta Skrímslaveisla tuttugu árum síðar árið 2024. Fyrir bókina Skrímsli í vanda hlaut Áslaug og meðhöfundar hennar, Rakel Helmstad og Kalle Güettler, Íslensku bókmenntaverðlaunin árið 2017 í flokki barna- og ungmennabóka.
Á meðan á Barnamenningarhátíð stendur verður sýningin sniðin að börnum. Myndirnar hanga í þeirra hæð, hægt verður að setjast í kósíhorn og sökkva sér í lestur Skrímslabókanna, eða spreyta sig á að teikna sitt eigið skrímsli, meðan skrímslin fylgjast með af veggjunum allt um kring.
Skímslin verða sannarlega í boði, þar sem hægt verður að kaupa bæði skrímslamyndir og skrímslabækur á sýningunni. Prentin eru gefin út í takmörkuðu upplagi og árituð af höfundinum.“

Sýningin opnar laugardaginn 5. apríl kl. 14 og stendur til 26. apríl 2025.
Opið er í Gallerí Fold virka daga og 12-18 laugardaga 12-16.

Sjá nánar um Barnamenningarhátíð í Reykjavík 2025 hér.

Exhibition of illustrations: Tomorrow, Saturday, April 5th, an exhibition with selected illustrations from the book series about Little Monster, Big Monster and Furry Monster by Áslaug Jónsdóttir, Kalle Güettler and Rakel Helmsdal, will open at Fold Gallery in Rauðarárstígur 12, Reykjavík. The images are printed on high-quality paper and are for sale in limited editions, signed by the artist. The books will also be available in the gallery. The exhibition is a part of Reykjavík Children’s Culture Festival. A presentation from Fold Gallery states:

Fold Gallery is open mon-fri from 12 to 6 pm and Saturdays from 12 to 4 pm.

More information about Reykjavík Children’s Culture Festival 2025 here.

uppfært / updated 16.04.2025

Skrímslamynd í ramma er góð gjöf fyrir skrímslavini á öllum aldri!
Fylgið þessum hlekk yfir á síðu hjá Gallerí Fold til að sjá öll Skrímsli í boði!

A framed monster picture is a great gift for monster lovers of all ages!
Follow this link to see all the collection at the gallery.